Nabi s.a.w. bashar (insaan) the (QURAN WA HADIS SE DALAIL)

Nabi s.a.w. bashar (insaan) the :

====================

Tamam Ambiya alahis salaam ki tarah hamare nabi saw bhi BASHAR (insan) the, jab pahli ummato ne ambiyar as ko jhutlaya to in sab ka sab se bada aiteraaz ye tha ke aap bashar hain, bashar kaise nabi ho sakta hai. Allah ne inke baatil aur gumraah nazariya ki nafi farmai, jab nabi saw ne NABBUWAT KA AILAAN FARMAYA TO MUSHRIKEEN MAKKAH NE BHI YAHI AITERAZ UTHAYA, JAISA KE QURAN ME IRSHAAD HAI:

“Aur (in zalimo ne) chupke chupke shargoshiya ki ke wo to tum jaisa bashar hai, phir kya waja hai, jo tum aankho dekhte jaadu me aajate ho? (quran Surah Ambiya: ayat 3)

ALLAH TALA NE INKE JAWAB ME FARMAYA:

“aap se pahle jitne bhi pahighambar hum ne bheje, sabhi bashar(insan) the, jinki taraf hum WAHI utaarte the, pas tum Ahle zikr se pooch lo agar khud tumhein ilm na ho” (sura ambiya 21 ayat no. 7)

ISS CLEAR BAAT KE ABWAJOOD KUCH MUSLILS KA AQEEDA HAI KE AAP ALLAH KE NOOR SE NOOR HAIN

AB YAHAN AAP SAW KI BASHARIYAT (yani aap saw insan the) par qurani dalaail:

===============

QURAN SE DALAAIL:

===============

QUR’AN SE DALEEL NO. 1

“(Aye Nabi!) aap keh deejiye ke MAIN TO BAS TUMHARE JAISA HI BASHAR HOON, meri taraf ye wahi ki jaati hai ke tumhara mabood ek hi mabood hai”

(quran 8:110, aur Haa-meem: ayat 6)

QUR’AN SE DALEEL NO. 2

“aap keh deejiye ke mera rabb paak hai, MAIN SIRF EK BASHAR (AUR) RASUL HOON”

QUR’AN SE DALEEL NO. 3

“darhaqeeqat Allah ne momino par bada ahsaan kiya hai, jab INHI ME SE EK RASUL IN ME BHEJA”

(surah aal-e-imraan 3: ayat 164)

QUR’AN SE DALEEL NO. 4

(surah tauba 9: ayat no. 128)

“beshak tumhare pass ek rasul aaye hain, JO TUMHAARI JINS SE HAIN”

QUR’AN SE DALEEL NO. 5

(surab isra 17: ayat 95)

“(aye mohammed saw!) keh deejiye k agar zameem me farishte itminan se chal rahe hote to hum aasman se inke liye koi farishta Rasul bana kar bhejte”

HAAFIZ IBN KASEER RAH. IS AAYAT KI TAFSEER ME FARMATE HAIN:

“murad ye hai ke in farishto ki jins se (farishta rasul bhej dete), lekin JABKE TUM BASHAR THE TO HUM NE APNE KHAAS FAZLO KARAM SE TUMHARI TARAF TUMHARI JINS SE RASULL BHEJ DIYA”

(tafseer ibn kaseer: 4/174)

SAABIT HUA KE MOHAMMED SAW BASHAR AUR JINS-E-INSAANIYAT SE HAIN,

QURANI DALAAIL KE BAAD AB HADEESI DALAAIL DEKHIYE:

==============

HADEES SE DALAAIL:

==============

HADEES SE DALEEL NO. 1

Abu hamra nas bin imran kahte hai ke sayadna ibn abbas rz ne hame kaha, kya main aap ko abu zar (gifari rz) ke qabul islam ke bare me khabar na du? hum ne arz ki, haa! aap ne kaha, main gafar qabile ka fard tha.

“hum tak ye khabar pahonchi ke MAKKA ME EK AADMI ZAAHIR HUA HAI, JO NABI HONE KA DAWA KARTA HAI”

main ne apne bhai (anis gafari) se kaha, aap is aadmi ke paas jayein aur is se baat cheet karein, mere paas iske bare me khabar laaye, wo chala gaya aur aap se mulakat ki, phir wapis aaya, main ne kaha, aapke paas kya khabar hai?

isne kaha “ALLAH KI QASAM! MAINE EK AADMI KO DEKHA HAI, JO khair wa bhalai ka hukm deta aur burai se mana karta hai”

(Sahi bukhari: 1/499, H. 3522, aur sahih MUSLIM: 2/297, H. 2474)

HADEES SE DALEEL NO. 2

Arwa bin zubair kahte hain ke maine sayadna abdullah bin umr bin aas rz se kaha ke mushrikin makka ne nabi saw ke saath jo sakht tareen maamela kiya hai, iski mujhe khabar dein, wo kahne lage ke ek dafa rasul saw kaabe ke sahen me namaz padh rahe the ke achanak aqba bin abi mueet aaya, isne aapko kandhe se pakda aur apna kapda nabi saw ki gardan mubarak me daal kar sakhti se aapka gala ghonta, sayadna abu bakar tashreef laye aur iske kandhe se pakad kar ise rasul saw se dur kar diya aur ye aayat farmayi:

“KYA TUM AISE AADMI KO QATAL KARNE KE DARPE HO, jo ye kahta hai ke mera rab Allah hai aur wo tUmhare paas tumhare rab ki taraf se raushan nishaniya lekar aaya hai” (surah momin: ayat 28)

(SAHIH BUKHARI: 2/711-712, HADIS: 4815)

HADEES SE DALEEL NO. 3

“Sayadna Abu huraira rz kahte hai ke maine Rasul s.a.w. ko ye farmate hue suna hai:

“AYE ALLAH! BESHAK MOHAMMED (SAW) BASHAR HAI, ISKO GHUSSA AAJATA HAI, JIS TARAH EK BASHAR KO GUSSA AAJATA HAI”

(sahih muslim: 2/324, Hadis: 2601)

HADEES SE DALEEL NO. 4

Sayada umme salma rz se riwayat hai ke rasul saw ne farmaya:

“MAI TO BASHAR HU, TUM mere paas muqaddimaat laate ho, hosakta hai ke koi apne dalail dawa ke nasheeb wa faraz ki nisbat ziyada samajdari pesh kare, main (bilfarz) dalail ki sama’at ki buniyad par iske haq me faisla sunadu, (yad rakho) jisko main (dalail ki zahiri quwwat ke peshe nazar) iske bhai ka mamuli sa bhi haq kaat kar de doo, wo ise na le, yaqinan main ne ise aag ka tukda kaat kar diya hai” .

(Sahih bukhari: 2/62, Hadis: 7169, aur SAHIH MUSLIM: 2/74, HADIS 1713)

HADEES SE DALEEL NO. 5

Sayadna Samrah bin jandab kahte hai ke nabi saw ne sahaba kiram ke ijtema se khitaab farmaya:

“LOGO! MAIN BASHAR HU AUR ALLAH KA RASUL HU”

(Musnad ahmed: 5/16, TABRANI: 6794, 6799, mustadrak haakim: 1/329-330, abudaud: 184, nasai: 484, tirmizi: 562)

HADEES SE DALEEL NO. 6

Sayadna Raafe bin khadij ansari rz se riwayat hai ke nabi saw ne farmaya: “YAQEENAN MAIN BASHAR HU, JAB MAIN TUMHE KOI BHI DEENI HUKM DOO TO ISPAR (SAKHTI SE) AMAL PAIRAA HOJAAO AUR JAB MAIN TUMHE APNI RAYE SE HUKM DU TO MAIN BASHAR HUN”

(Sahih muslim: 2/264, Hadis: 2362)

HADEES SE DALEEL NO. 7

Qaasim bin Mohammed r.z. kahte hain ke Sayada Aaisha r.z. se nabi saw ke amoor-e-khana (ghar ke kaam) ke baare me pucha gaya to inhone kaha:

“AAP SALLALLAHU ALAIHI WASSALM BASHAROM ME SE EK BASHAR THE, apne kapdo se juwein talash karte, apni bakriyo ka doodh dohate aur apne kaam khud karte the”

(Musnad ahmed: 6/256, hayatul awliya abi naeem: 8/331, ibn hibban: 5674, shumaail tirmizi: 363, aladab almufrad bukhari: 541, sharah sunnah: 3676) .